Çin İranda dəmir yolu çəkəcək

İranın nəqliyyat naziri Həmid Behbahani ölkənin qərb hissəsində çinlilərin dəmiryolu şəbəkəsi çəkməsi haqqında irihəcmli kontraktın bağlanmsını bildirmişdir. Layihənin qiyməti 20 milyard dollar dəyərindədir.

Tikinti iki il yarıma başa çatmalıdır. Dəmiryol xətti Tehranı Arak, Malayer, Kirmanşah və Xosravi şəhərləri ilə birləşdirəcəkdir.

Dəmiryolu həmçinin İranı Suriya və “ Aralıq dənizi hövzəsi ölkələri ilə də” birləşdirəcəkdir.

İqtisadi İnkişaf Nazirliyi: “Hikmət” MMC tərəfindən istehsal edilmiş duzları almayın!

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keyfiyyətsiz duzların satışının qarşısının alınması məqsədilə Abşeron rayonu, Binəqədi-Novxanı yolu, 7-ci km ünvanında yerləşən “Hikmət” MMC-də duz istehsalı və satışının qanunauyğunluğu ilə bağlı yoxlamaya başlanılmışdır-bu barədə nazirliyin saytında məlumat verilmişdir.

Saytın yaydığı məlumata görə yoxlama zamanı “Hikmət” MMC tərəfindən istehsal olunmuş yodlaşdırılmış xörək duzunun tərkibində yodun miqdarının normadan və etiket göstəricisindən az olduğu müəyyən edilmişdir.

Bundan başqa müəssisənin xörək duzu istehsalı üçün uyğunluq sertifikatının olmadığı, xörək duzu istehsalında mənşəyi bəlli olmayan xammaldan istifadə edildiyi, istehsal edilən məhsulun üzərində saxlama müddətinin normativ sənədlərlə müəyyən edilmiş müddətdən artıq göstərildiyi, məhsulun qablaşdırılmasında uyğunluq və gigiyenik sertifikatları olmayan bükmə materiallarından istifadə olunduğu aşkar edilmişdir.

Həmçinin müəssisə tərəfindən Rusiya və Belorusiyadan idxal edilmiş 47,8 ton xörək duzunun üzərində azərbaycan dilində markalanmanın olmadığı da müəyyən edilmişdir.

Aşkar edilmiş qanun pozuntuları ilə əlaqədar müəssisə tərəfindən istehsal edilmiş 13,9 ton xörək duzunun satışının, mənşəyi bəlli olmayan 190 ton xammaldan və uyğunluq və gigiyenik sertifikatı olmayan bükmə materiallarından istifadənin qadağan edilməsi, duz istehsalı və satışının dayandırılması, həmçinin müəssisə tərəfindən istehsal edilmiş duzların ticarət şəbəkəsindən yığılması barədə “Hikmət” MMC-yə icrası məcburi olan göstəriş verilmişdir.

Belorusiya Rusiyaya qarabaşaq göndərişini məhdudlaşdırdı

Belorusiya Rusiyaya qarabaşaq göndərişini məhdudlaşdırmışdır .X5 Retail Group şirkəti nümayəndəsinin verdiyi məlumata görə  Belorusiya Rusiyaya qarabaşaq göndərişinə məhdudiyyət qoymuşdur.

Belorusiyanın kənd təsərrüfatı nazirinin müavini Vasili Sedin hələlik ölkədə eksport üçün artıq qarabaşağın olmamamsı barəsində bəyanat yaymışdır.

Çerçil Mussolinini öldürmək istəyirdi

Böyük Britaniyanın baş naziri Uinston Çerçil faşist İtaliyasının lideri Benito Mussolinini öldürməyi planlaşdırmışdı. Bu barədə The Daily Telegraph  nəşri İtaliya tarixini xüsusiləşdirən fransalı tarixçi Pyer Milzaya istlnad etmişdir.

Milza özünün “Mussolininin son günləri” kitabında qeyd etmişdir ki, Çerçil Mussolinini öldürməklə ona yazdığı məktubları gizlətməklə  ifşa olunmaqdan qaça biləcəyini düşünürdü.

Qeyd etmək lazımdır ki, Çerçil ABŞ-ın keçmiş prezidenti Ruzvelt kimi 1920-30-cu illərdə Mussolininin böyük pərəstişkarı olmuşdur.

Xatırladaq ki, 1945-ci ilin yazında  İtaliya partizanları Mussolinini tutub məşuqəsi ilə birlikdə güllələsələr də Britaniya baş nazirinin ona yazdığı məktub tapılmamışdır.

NASA Günəşə vacib ekspedisiya etmək üçün hazırliq işinə başladı

NASA Günəşə vacib ekspedisiya etmək üçün hazırliq işinə başlamışdır. “Solar prob plas”  adlı layihə beynəlxalq kosmanavtikaya ən yaxın 6,4 milyon kilometr məsafədə olan Günəşin işıqlanmasını öyrənmək məqsədilə kosmik zond göndərilməsini planlaşdırır.

ABŞ-ın kosmik idarəsinin cümə axşamı verdiyi xəbərə görə elmi aparatın start götürməsi güman olunan kimi “2018-ci ildən tez “ olmayacaqdır.

Səhiyyə Nazirliyi rusiyalıların həyatını 2 milyon rubl dəyərində qiymətləndirdi

Rusiyanın Səhiyyə Nazirliyi rusiyalıların həyatını 2 milyon rubl dəyərində qiymətləndirmişdir. Mülki cavabdehlik sığortası haqqında hazırlanan qanunvericiliyə görə həkimlərin qeyri-peşəkar hərəkəti nəticəsində ölən pasiyentin qohumları məhs bu məbləği alacaqlar.

Vedomosti qəzetinin yazdığına görə bununla bərabər zərərçəkən tərəfə həkimin məhkəmədə günahkar olduğunu sübut etməyə hazırda olduğu kimi ehtiyac qalmayacaq. Bunun üçün səhiyyə orqanının regional nümayəndəsinin başında durduğu xüsusi komissiyanın qərarı kifayət edəcəkdir.

Bununla bərabər səhiyyə müəssisələrinin hamısı mütləq qaydada öz məsuliyyətini sığorta etməlidir. Söğorta pulunu onlar mütləq tibbi sığorta fondundan , belə desək faktiki olaraq büdcədən alacaqlar.

Samuxda “XXI əsrdə zorakılıq əleyhinə əsas amil kimi daxili mədəniyyətin möhkəmləndirilməsi” mövzusunda tədbir keçirilib

Samux rayonunda “XXI əsrdə zorakılıq əleyhinə əsas amil kimi daxili mədəniyyətin möhkəmləndirilməsi” mövzusunda konfrans keçirilmişdir. Konfransda Samux rayonunda son illərdə görülən  işlər barəsində geniş söhbət açılıb. Konfransda çıxış edənlər qeyd etmişlər ki, son illər rayonda ailə-məişət zorakılığı, eləcə də boşanma hallarının sayı xeyli azalıb, nikaha daxil olanların sayı isə artıb. Təkcə cari ildə Samux rayonunda 600-dən artıq ailə nikaha daxil olub.

Ailə, Qadın və Uşaq Problemləri üzrə Dövlət Komitəsinin sədri Hicran Hüseynova konfransda çıxış edərək bildirmişdir ki, silsilə tədbirlərin keçirilməsində məqsəd qadınları məişət zorakılığı barədə maarifləndirmək və bu sahədə qəbul edilən qanunlarla onları tanış etməkdən ibarəydir.

«Ölkə parlamentində məişət zorakılığı ilə bağlı qəbul olunan qanun cəmiyyətdə çox böyük marağa səbəb olub. Əlbəttə ki, komitə bu məsələ ilə daim məşğul olur. Cəmiyyətdə qadınların rolu və fəallığı, eləcə də Azərbaycanda ailə modelinin təbliği, adət-ənənələrin qorunub saxlanılması, erkən nikah, qızların təhsildən yayınması halları ilə bağlı müzakirələr aparılır»- Hicran Hüseynova belə demişdir..

Konfransın sonunda rayonda yeni nikaha daxil olan 7 gənc ailəyə şəhadətnamələr verilmişdir.

Azərbaycanda ilk  Dəmir Yolunun çəkilməsinin 130 illiyi münasibətilə   biznes forumu keçiriləcək

Nəqliyyat Nazirliyindən verilən məlumatda  bildirmişlər ki, 2010-cu ilin  oktyabr ayının  12-13-də Bakı şəhərində «Azərbaycan Dəmir Yolları» Qapalı Səhmdar Cəmiyyətinin 130 illik yubileyi və «1520 Strateji Tərəfdaşlıq» biznes forumu keçiriləcəkdir.

Azərbaycanda dəmir yolu nəqliyyatının yaranma tarixi on doqquzuncu əsrin sonlarına təsadüf edir. 1847-ci ildə ilk mexaniki qazma quyuçunun  meydana gəlməsi, neftin qazma üsulla çıxarılmasının inkişaf etdirilməsi, ümumiyyətlə neft sənayesinin inkişafı neft daşınmasının təkmilləşdirilməsi zəruriyyətini meydana atdı.. Bakının  neftçıxarma rayonlarından  nefti primitiv üsulla ağac çəlləklərdə və tuluqlarda karvanlarla daşıyırdılar ki, bu da olduqca baha başa gəlirdi.

Neftin daşınması üçün  sahibkarların dəmir yolunun çəkilməsi haqqında  Nazirlər Komitəsinə etdikləri çoxsaylı müraciətlər nəhayət ki, öz bəhrəsini verdi.

1878-ci il iyunun 16-da Nazirlər Komitəsinin keçirilən iclasında neft daşınması üçün dəmir yolunun tikintisi  layihəsi təsdiq olunur. Bu məqsədlə  20 kilometr uzunluğunda olan dəmir yolunun çəkilməsi nəzərdə tutulur. Dəmir yolunun inşası 1879-cu ildə başa çatır və 1880-ci ilin  yanvar ayının 20-də dəmir yolunun rəsmi açılışı olur. Dünyada  ilk dəfə olaraq neft məhz bu yolla sisternlərlə daşınmağa başlanır. Məhz elə  həmin gün tarixə Azərbaycanda dəmir yolunun yaranması günü kimi daxil olur.

Pekində keçirilən Ümumdünya döyüş sənəti oyunlarında Olesya Zamula birinci yerə çıxdı

Qadın güləşi üzrə yığmamızın üzvü Olesya Zamula (63 kq) Pekində keçirilən birinci Ümumdünya döyüş sənəti oyunlarında uğurla çıxış edərək qızıl medala sahib çıxmışdır.

Olesya Zamula qrupda İspaniya təmsilçisi İren Qarsiyaya və Kanadalı Steysi Anakaya qalib gəlmiş, polşalı Paulina Qrabovskayaya isə məğlub olmasına baxmayaraq finala çıxmışdır.

Olesya Zamula finalda ABŞ nümayəndəsi Amberi Montqomeriyə qalib gələrək fəxri kürsünün ən yüksək pilləsinə qalxmışdır.

ABŞ qoşunlarını və hərbi texnikasını İraqdan çıxararkən  Türkiyənin ərazisindən istifadə etməyi planlaşdırır

Bu barədə Vaşinqtondan Ankaraya müvafiq sorğu gəlmişdir. Türkiyənin XİN – ində təsdiq etmişlər ki, bu məsələ ilə bağlı danışıqlar aparılır. Lakin hələlik konkret nəticələr yoxdur.

Əvvəlcə elan olunmuşdur ki, İraqda müharibə rəsmi olaraq sona çatmışdır və ABŞ özünün döyüş hissələrinin hamısını bu ölkədən çıxarmışdır.